«Ғасырдан биік аманат»

Атырауда мұнайшы,  қоғам және мемлекет қайраткері С. Мұқашевтың туғанына 90 жыл орай толуына «Ғасырдан биік аманат» еске алу шарасы өтті. Оған  зиялы қауым өкілдері мен қайраткердің ұрпақтары мен туыстары қатысты.

Қоғам қайраткерінің суреттері мен еңбектері, марапаттары, тұтынған заттары қойылған көрмемен бастау алған аталмыш шараға аймақ басшысы Н. Ноғаев та қатысты. «Ұрпақ сабақтастығын үзбей, алдыңғы буын ағаларымыздың атқарған істерін қазіргі заманды, жаһандануды ескере отырып абыроймен жалғастыру – ұрпақ алдындағы міндет», – деп С.Мұқашевтың елге сіңірген сөз етті.

Сонымен қатар қоғам қайраткерінің өмір жолынан сыр шертетін деректі фильм көрсетілді.

Салтанатты жиында қоғам және мемлекет қайраткері Равиль Шырдабаев, Мадина Ғабдісәлімова, Саламат Мұқашевтің жұбайы Мәрия Сәлімгерейқызы сөз сөйлеп, тұлғаның өмір жолындағы жарқын естеліктерімен бөлісті. Мәрия апай Атырау облыстық тарихи-өлкетану музейіне қайраткердің домбырасын табыс етті.