Биыл Мақат ауданында 2 спорт кешені пайдалануға беріледі

Мақат ауданы және ауданға қарасты ауылдық округтерде 4 спорт кешені, 36 спорттық алаң және 21 спорт залы жұмыс істейді,- деп хабарлайды Өңірлік коммуникациялар қызметі.

- Ауылдарда салауатты өмір салтын қалыптастырып, бұқаралық спорттың мәнін арттыру – басты міндет.  Осы орайда ауданда бірқатар жұмыс атқарылып жатыр. Атап айтсақ, биыл Мақат ауданында «Мақат Аренаның» құрылысы мен Бәйгетөбе ауылында 140 орындық спорт кешенінің құрылысы аяқталып, қолданысқа беріледі. Сондай жобамен Доссор кентінде қосқабатты спорт кешенінің құрылысы басталады. Қазіргі таңда мердігер мекемені анықтау мақсатында конкурс жүргізіліп жатыр. Аумағы 1274,1 шаршы метрді құрайтын спорт кешенінде жаттықтырушылар, дәрігерлер бөлмесі, күрес залы мен спорт залы, ерлер мен әйелдерге арналған киім ауыстыру-жуыну бөлмесі қарастырылған. Ғимарат аумағы жаттықтырғыштар, футбол алаңы, автотұрақ және жарық шамдарымен қамтамасыз етілмек,- деді  аудандық құрылыс бөлімінің басшысы Әбілқайыр Қадыров. 

Анықтама үшін: аудандағы дене шынықтыру және  спортпен тұрақты шұғылданатындардың саны 11 мыңға жуықтайды.