Атыраулық 122 оқушы қысқы демалысын емдеу пансионатында өткізіп жатыр

Оқушылар 30 желтоқсаннан бастап РФ-ның Железноводск қаласында орналасқан  «Қазақстан геологі» емдеу-сауықтыру пансионатында тынығуда. Бұл туралы облыстық білім беру басқармасының баспасөз хатшысы Эльмира Тұңғатарова мәлім етті, - деп хабарайды Өңірлік коммунациялар қызметі. 

Балалар мәдени іс-шаралар мен спорттық сайыстарға қатысып, тарихи орындарды көзбен көруге мүмкіндік алды. Сондай-ақ, олар демалыс орнынжа 5 мезгіл тамақпен қамтылып, емдеу, сауықтыру процедураларынан өтеді.

Оқушылар 9-қаңтарға дейін аталған орында қысқы демалысын өткізеді. 

Айта кетейік, жыл басынан бері “Қазақстан Геологы” пансионатында атыраулық 1719  бала демалған.