Құрманғазы ауданында ұлттық ат спорт түрлерінен жарыс өтеді

24 қазан күні Құрманғазы ауданы әкімдігінің ұйымдастыруымен, «Құрманғазы ауданының 95 жылдық» мерейтойына арналған ұлттық спорт түрлерінен жарыс өтеді. Бұл туралы Өңірлік коммуникациялар қызметі хабарлайды. 

Дүбірлі доданың басты мақсаты - ұлттық спорт түрлерін кең насихаттап, аудан мерейтойын мәдени-спорттық сайыстармен ұштастыру. 

Төл спорт түрлерін қамтыған дода, 6 шақырыдық «Тай жарыс», 9 шақырымдық «Құнан жарыс», 24 шақырымдық «Аламан бәйге» болып үшке бөлінбек. Аламан бәйге жеңімпазына автокөлік сыйға тартылмақ. Бұдан өзге, асыл тұқымды ірі-қара мен жылқы малы және ақшалай жүлделер сарапқа салынбақ. 

Айта кетейік, аталған жарыс 24 қазан күні, сағат 9:00-де, Құрманғазы ауданының орталығындағы РТС ауылында, Лягушкин елді мекені маңындағы «Қазан ат» ат жарыс алаңында өтеді.